Na 10 jaar in die musiekbedryf bring Len Muller sy mees persoonlike en kragtigste vertoning nóg. Hy stel sy nuwe album bekend – ’n versameling van tien sielvolle liedjies wat liefde, geloof, gebrokenheid en hoop vier. Kom beleef Len Muller saam met ’n vol orkes soos jy hom nog nooit ervaar het nie. Met die titelsnit “Soos ’n Engel” wat reeds diep spore getrap het in harte reg oor Suid-Afrika, beloof hierdie emosiebelaaide aand ’n ervaring vol samesang, stories en rou eerlikheid.
