Kom kuier by die Heuwelkruin Kuierfees! Daar gaan vermaak en speletjies vir die kinders wees en al die ou gunstelinge soos ‘n witolifanttafel, pannekoek, basaarpoeding, sosaties, worsbroodjies, hamburgers, haloumi, lekker koffie en potjiekos! Kuier saam met familie en vriende met ‘n glasie wyn, gin of “craft” bier terwyl julle ‘n stukkie spitbraai geniet en na die lekker musiek luister. Vul die koekblikke en vrieskas aan met kleinkoekies, beskuit, vleis en heerlike gebak!
