Feeste/optredes by hierdie plek/ligging/terrein

Hierdie feestyd bring Aspoestertjie: Die Pantomime ’n vars en onverwagte kinkel in die klassieke sprokie na die verhoog. 

Cindy se lewe word omvergegooi deur haar bose stiefma en wrede stiefsusters, maar daar is iets merkwaardigs in die lug … As sy droom van ’n beter toekoms, begin buitengewone gebeure ontrafel wat alles verander. Die verhoog is gereed vir ’n avontuur vol skaterlag, betowerende oomblikke, en musiek wat jou sal meevoer. Met Leah as Aspoestertjie, Marnu van der Merwe as Prins Jan-Percy, en Carmen Pretorius as die stiefma, is hierdie sprokie anders as enigiets wat jy al gesien het. 

Berei jou voor om verras te word!

Die stoute kabouter is: die briefdief

Die stoute abouter is: die briefdief.

Die Riverside Theatre Company, bekend vir produksies soos Skoonlief en die ondier, Raponsie, Hansie en Grietjie en Repelsteeltjie, is terug met ’n splinternuwe produksie: Die stoute abouter: die brief dief.

O gonna, Piet! Néé! Die stoute kabouter is terug en stouter as gewoonlik. Is dit moontlik?! As gevolg van die stoute kabouter se manewales is daar ’n kans dat niemand vanjaar hul geskenke gaan kry nie. Net nie dit nie! Kom skaterlag saam met die kleurvolle karakters in dié kinderteaterproduksie propvol pret met hope dansies, liedjies en gehoorinteraksie. 

Pianis Rocco de Villiers bring ’n versameling Kersfeestreffers, immergroen melodieë onafhanklik van “likes”, “shares” en “followers” om die boodskap van Kersfees oor te dra.

Die bekende deuntjies, die boom, die blinkers, maar nie die sneeu nie. Opgewekte ritmes, meesleurende deuntjies en stories rondom Kersfees. Verwag vermaak uit die boonste rakke met ou bekendes soos “Mary’s Boy Child”, “Stille Nag”, “Hoor die Blye Engelelied”, “Feliz Navidad”, “Somerkersfees”, “Little Drummer Boy” en natuurlik ’n paar verrassings. Altyd!

Met Lizelle le Roux op viool en Kris Valery op kitaar.

“Om julle weer te kan sien vir ’n aand wat voel soos die sterre en klink soos die berge (selfs al sit ons in ’n teater) sal vir ons een groot avontuur wees. Ek weet julle weet nie altyd wat om te verwag by ’n Joshua na die Reën-show nie, en dit is juis vir my die betowerende eienskap van die afgelope 12 jaar saam met julle … niks hoef ooit te stagneer nie, want ons kan net saam vloei met waar die musiek en die lewe ons lei. 

Een ding weet ek, dit kan alles wees wat ons droom. 

Ek sien julle daar.”

In 1978 wen Rina Hugo die ATKV Crescendo Musiekkompetisie, reik haar eerste album uit in 1983, en word een van Suid-Afrika se gunsteling- Afrikaanse kunstenaars met die liedjie “Ek sien vandag die son weer skyn”. Vir meer as vier dekades vermaak Rina ons met van die mooiste liedjies, en word ’n absolute legende. 

Met hierdie unieke vertoning gee ons erkenning aan Rina Hugo se merkwaardige bydrae tot ons land se LIEDJIESKATKIS, en kan ons weer met oorgawe na haar grootste treffers luister. Kom deel die geleentheid saam met Louis Loock, Andriëtte Norman, Rouchelle Liedemann, PietFrik Liebenberg en Elzanté Twee Klaviere. Dis vir seker ’n geleentheid wat jy nie wil misloop nie, en ook die ideale Valentynsafspraak! 

Vyf asemrowende kunstenaars, saam met ’n sesstuk-orkes bestaande uit van die land se beste musikante, bring van 12 tot 16 Februarie 2025 aan jou die wonderlike herinneringe van Rina Hugo se liedjies in die pragtige AfriForum Teater in Pretoria. 

Kom luister saam! Neem kennis dat Rina Hugo nie self in hierdie produksie optree nie. 

Ook met Elzabé Tosen (klavier), Hansie Roodt (kitaar), Alouise (baskitaar), Lizelle le Roux (viool), Danie Coetzee (digitaal) en Vinnie Henrico (tromme). 

Musiekregisseur: Elzabé Tosen 

Regisseur: Anthony Tosen

Die gewilde reeks Vetkoekpaleis maak vanaf 26 Februarie tot 29 Maart 2025 weer ’n verskyning op die planke – en dié keer met nuwe kwinkslae om jou te laat skaterlag. Dit is nóú jou kans om deel te wees van die volgende Vetkoekpaleis-episodeopnames.

Die gewilde reeks Vetkoekpaleis maak vanaf 26 Februarie tot 29 Maart 2025 weer ’n verskyning op die planke – en dié keer met nuwe kwinkslae om jou te laat skaterlag. Dit is nóú jou kans om deel te wees van die volgende Vetkoekpaleis-episodeopnames.

Ouma is op pad was ook die topverkoper by die Vrystaatse Kunstefees.

’n Gehoorlid skryf op 16 Augustus: “Margit Meyer-Rödenbeck neem jou op ’n super humoristiese en verfrissende wyse op reis deur ’n veranderende wêreld! Jy huil soos jy lag terwyl ernstige waarhede jou lag-lag tref. UITSTEKEND!!!”

Dowwe Dolla se Ouma het eintlik einde 2021 saam met Dolla afgetree. Maar nou wil almal weet wie was daai tannie wat so aanstoot kon gee? En toe besluit Ouma sy het NOG ’n paar dinge om kwyt te raak.

Ouma kom van Garies en soos meeste mense van daardie wêreld is sy ’n formidabele vrou. In die Knersvlakte word jy nie groot met luukshede soos doekies omdraai nie. Sy het al twee mans begrawe, maar haar bure vermoed die laaste een het net ingesluimer. Met dié dat haar kleindogter nou in die stad werk, en sy nou en dan moet gaan kuier, kom Ouma agter daar is baie dinge wat sy nie ken nie, en “takt” is een van hulle.

Rafiek Mammon skryf in Die Burger van 29 Maart met Ouma is op pad se opening by die KKNK 2024: “Meyer-Rödenbeck is nou maar eenmaal ’n staatmaker op soveel vlakke. As aktrise stel sy nooit teleur nie; nog minder as komediant. En nog minder as intelligente waarnemer van die menslike toestand. Meng dit met storievertellery uit die boonste rak, dan is jy mos in komediehemel. Ek praat nou Tolla van der Merwe en Jan Spies se vernuf as storievertellers.”

Ouderdomsbeperking: Geen onder 14’s

Ouma is op pad was ook die topverkoper by die Vrystaatse Kunstefees.

’n Gehoorlid skryf op 16 Augustus: “Margit Meyer-Rödenbeck neem jou op ’n super humoristiese en verfrissende wyse op reis deur ’n veranderende wêreld! Jy huil soos jy lag terwyl ernstige waarhede jou lag-lag tref. UITSTEKEND!!!”

Dowwe Dolla se Ouma het eintlik einde 2021 saam met Dolla afgetree. Maar nou wil almal weet wie was daai tannie wat so aanstoot kon gee? En toe besluit Ouma sy het NOG ’n paar dinge om kwyt te raak.

Ouma kom van Garies en soos meeste mense van daardie wêreld is sy ’n formidabele vrou. In die Knersvlakte word jy nie groot met luukshede soos doekies omdraai nie. Sy het al twee mans begrawe, maar haar bure vermoed die laaste een het net ingesluimer. Met dié dat haar kleindogter nou in die stad werk, en sy nou en dan moet gaan kuier, kom Ouma agter daar is baie dinge wat sy nie ken nie, en “takt” is een van hulle.

Rafiek Mammon skryf in Die Burger van 29 Maart met Ouma is op pad se opening by die KKNK 2024: “Meyer-Rödenbeck is nou maar eenmaal ’n staatmaker op soveel vlakke. As aktrise stel sy nooit teleur nie; nog minder as komediant. En nog minder as intelligente waarnemer van die menslike toestand. Meng dit met storievertellery uit die boonste rak, dan is jy mos in komediehemel. Ek praat nou Tolla van der Merwe en Jan Spies se vernuf as storievertellers.”

Ouderdomsbeperking: Geen onder 14’s